శివ పంచాక్షర నక్షత్రమాలా స్తొత్రం
======================
ఓం నమో నమో నమశ్శివాయ
శ్రీమదాత్మనే గుణైకసింధవే నమశ్శివాయ
ధామలేశ ధూతకోకబంధవే నమశ్శివాయ
నామశేషితా నమద్భవాంధవే నమశ్శివాయ
పామరేతర ప్రధాన బంధవే నమశ్శివాయ ||ఓం||
కాలభీత విప్రబాల పాలతే నమశ్శివాయ
శూలభిన్న దుష్ట దక్షఫాలతే నమశ్శివాయ
మూలకారణాయ కాలకాలతే నమశ్శివాయ
పాలయాధునా దయాలవాలతే నమశ్శివాయ ||ఓం||
ఇష్టవస్తు ముఖ్యదాన హేతవే నమశ్శివాయ
దుష్టదైత్యవంశ ధూమకేతవే నమశ్శివాయ
సృష్టికారణాయ ధర్మసేతవే నమశ్శివాయ
అష్టమూర్తయే వృషేంద్రకేతవే నమశ్శివాయ ||ఓం||
ఆపదద్రి భేదటంకహస్తతే నమశ్శివాయ
పాపహారి దివ్యసింధుమస్తతే నమశ్శివాయ
పాపదారిణే లసన్నమస్తతే నమశ్శివాయ
శాపదోషఖండన ప్రశస్తతే నమశ్శివాయ ||ఓం||
వ్యొమకేశ దివ్యభవ్యరూపతే నమశ్శివాయ
హేమమేదినీ ధరెంద్రచాపతే నమశ్శివాయ
నామమాత్ర దగ్ధసర్వపాపతే నమశ్శివాయ
కామనైకతాన హ్రుద్దురాపతే నమశ్శివాయ ||ఓం||
బ్రహ్మమస్తకావళీ నిబద్ధతే నమశ్శివాయ
జిహ్మగేంద్రకుండల ప్రశస్తతే నమశ్శివాయ
బ్రహ్మణే ప్రణీతవేదపద్ధతే నమశ్శివాయ
జిహ్మకాలదేహ దత్తపద్ధతే నమశ్శివాయ ||ఓం||
కామనాశనాయ శుద్ధకర్మణే నమశ్శివాయ
సామగాన జాయమాన శర్మణే నమశ్శివాయ
హేమకాంతి చాకచక్యవర్మణే నమశ్శివాయ
సామ జాసు రాంగలబ్ధ చర్మణే నమశ్శివాయ ||ఓం||
జన్మమృత్యు ఘొరదుఃఖహారిణే నమశ్శివాయ
చిన్మయైకరూప దేహధారిణే నమశ్శివాయ
మన్మనోరథావ పూర్తికారిణే నమశ్శివాయ
సన్మనోగతాయ కామవైరిణే నమశ్శివాయ ||ఓం||
యక్షరాజబంధవే దయాలవే నమశ్శివాయ
ధక్షపాణి శోభికాంచనాలవే నమశ్శివాయ
పక్షిరాజవాహ హృచ్ఛయాలవే నమశ్శివాయ
అక్షిఫాల వేదపూతతాలవే నమశ్శివాయ ||ఓం||
దక్షహస్త నిష్ఠజాతవేదసే నమశ్శివాయ
అక్షరాత్మనే నమద్భిడౌజసే నమశ్శివాయ
దీక్షిత ప్రకాశితాత్మ తేజసే నమశ్శివాయ
ఉక్షరాజవాహతే సతాంగతే నమశ్శివాయ ||ఓం||
రాజతాచలేంద్ర సానువాసినే నమశ్శివాయ
రాజమాన నిత్యమందహాసినే నమశ్శివాయ
రాజకోర కావతం సభాసినే నమశ్శివాయ
రాజరాజ మిత్రతా ప్రకాశినే నమశ్శివాయ ||ఓం||
దీనమానవాలి కామధేనవే నమశ్శివాయ
సూనబాణదాహకృత్ కృశానవే నమశ్శివాయ
స్వానురాగ భక్తరత్నసానవే నమశ్శివాయ
దానవాంధ కారచండభానవే నమశ్శివాయ ||ఓం||
సర్వమంగళా కుచాగ్రశాయినే నమశ్శివాయ
సర్వదేవతా గణాతిశాయినే నమశ్శివాయ
పూర్వదేహ నాశ సంవిధాయినే నమశ్శివాయ
సర్వమన్మనోజ భంగదాయినే నమశ్శివాయ ||ఓం||
స్తోకభక్తితోపి భక్తపోషిణే నమశ్శివాయ
మాకరందసారవర్షి భాషిణే నమశ్శివాయ
ఏకబిల్వదానతోపి తోషిణే నమశ్శివాయ
నైకజన్మపాపజాల శోషిణే నమశ్శివాయ ||ఓం||
సర్వజీవ రక్షణైక శీలినే నమశ్శివాయ
పార్వతీ ప్రియాయ భక్తపాలినే నమశ్శివాయ
దుర్విదగ్ధ దైత్యసైన్యదారిణే నమశ్శివాయ
శర్వరీశధారిణే కపాలినే నమశ్శివాయ ||ఓం||
పాహిమా ముమా మనోజ్ఞతే నమశ్శివాయ
దేహిమే వరం సితాద్రిగేహతే నమశ్శివాయ
మోహితర్షి కామినీ సమూహతే నమశ్శివాయ
స్నెహిత ప్రసన్న కామదోహితే నమశ్శివాయ ||ఓం||
మంగళప్రదాయ గోతురంగతే నమశ్శివాయ
గంగయా తరంగి తోత్త మాంగతే నమశ్శివాయ
సంగరప్రవత్త వైరిభంగతే నమశ్శివాయ
అంగజార యేకరే కురంగతే నమశ్శివాయ ||ఓం||
ఈహితక్షణ ప్రదానహేతవే నమశ్శివాయ
ఆహితాగ్ని పాలకోక్షకేతవే నమశ్శివాయ
దేహకాంతి ధూత శాప్యధాతవే నమశ్శివాయ
గేహదుఃఖపుంజ ధూమకేతవే నమశ్శివాయ ||ఓం||
త్రయక్ష దీన సత్ కృపా కటాక్షతే నమశ్శివాయ
దక్ష సప్తతంతు నాశదక్షతే నమశ్శివాయ
ఋక్షరాజ భాను పావకాక్షతే నమశ్శివాయ
రక్షమాం ప్రసన్నమాత్రరక్షతే నమశ్శివాయ ||ఓం||
న్యంకుపాణయే శివంకరాయతే నమశ్శివాయ
సంకటాబ్ధితర్ణ కింకరాయతే నమశ్శివాయ
కంకభీషితా భయనకరాయతే నమశ్శివాయ
పంకజాననాయ శంకరాయతే నమశ్శివాయ ||ఓం||
కర్మపాశనాశ నీలకంఠతే నమశ్శివాయ
శర్మదాయ నర్యభస్మకుంఠతే నమశ్శివాయ
నిర్మమర్షి సేవితోప కుంఠతే నమశ్శివాయ
కుర్మహే నతీర్న మద్వికుంఠతే నమశ్శివాయ ||ఓం||
విష్టపాదిపాయ నమ్ర విష్ణవే నమశ్శివాయ
శిష్టవిప్ర హృద్గుహా చరిష్ణవే నమశ్శివాయ
ఇష్టవస్తు నిత్యతుష్ట జిష్ణవే నమశ్శివాయ
కష్టనాశనాయ లోకజిష్ణవే నమశ్శివాయ ||ఓం||
అప్రమేయ దివ్యసుప్రభావతే నమశ్శివాయ
సత్ ప్రసన్న రక్షణ స్వభావతే నమశ్శివాయ
స్వప్రకాశ నిస్తుల స్వభావతే నమశ్శివాయ
విప్రడింభ దర్శితార్థ్రభావతే నమశ్శివాయ ||ఓం||
దేవకాయయే మృడ ప్రసీదతే నమశ్శివాయ
భావలభ్యతావక ప్రసాదతే నమశ్శివాయ
పావకాక్ష దేవపూజ్య పాదతే నమశ్శివాయ
తావకాంఘ్రిభక్త దత్తమోదతే నమశ్శివాయ ||ఓం||
భుక్తి ముక్తి దివ్యభోగదాయినే నమశ్శివాయ
శక్తి కల్పిత ప్రపంచ భాగినే నమశ్శివాయ
భక్త సంకటాపహార యోగినే నమశ్శివాయ
యుక్తి సన్మ నస్సరోజ యోగినే నమశ్శివాయ ||ఓం||
అంతకాంతకాయ పాపహారిణే నమశ్శివాయ
శాంతమాయ దంతి చర్మధారిణే నమశ్శివాయ
సంతతాశ్రిత వ్యధావిదారిణే నమశ్శివాయ
జంతుజాత నిత్య సౌఖ్యకారిణే నమశ్శివాయ ||ఓం||
శూలినే నమో నమః కపాలినే నమశ్శివాయ
పాలినే విరించి ముండమాలినే నమశ్శివాయ
లీలినే విశేషరుండ మాలినే నమశ్శివాయ
శీలినే నమః ప్రపుణ్య శాలినే నమశ్శివాయ ||ఓం||
శివ పంచాక్షర ముద్రాం చతుష్పదోల్లాసి పద్యమణి ఘటితాం, నక్షత్రమాలికా మిహ దధదుపకంఠం నరోభవేత్ సోమః
ఇతిశ్రీ శంకరాచార్యకృత శివపంచాక్షర నక్షత్రమాలికా స్తొత్రం సంపూర్ణం
