గంగమ్మ గౌరమ్మ పాట
ఆ కడప ఈ కడప ఉయ్యాలో
ముత్యాల కడప ఉయ్యాలో
ముత్యాల కడప మీద ఉయ్యాలో
పగడాల ముగ్గు ఉయ్యాలో
పగడాల ముగ్గు పైన ఉయ్యాలో
శివుడొచ్చి కూర్చునే ఉయ్యాలో
శివుని కాళ్ళాకటుకు ఉయ్యాలో
గంగమ్మ గౌరమ్మ ఉయ్యాలో
గంగమ్మ గౌరమ్మ ఉయ్యాలో
ఏమేమి నోమిరి ఉయ్యాలో
ఒక సేరు బియ్యము ఉయ్యాలో
వజ్రాల పువ్వులు ఉయ్యాలో
రెందు సేర్ల బియ్యము ఉయ్యాలో
పసుపు కుంకుమా ఉయ్యాలో
మూడు సేర్ల బియ్యము ఉయ్యాలో
ముత్తైదవతనము ఉయ్యాలో
నాలుగు సేర్ల బియ్యము ఉయ్యాలో
నల్లాపూసలు ఉయ్యాలో
ఐదు సేర్ల బియ్యము ఉయ్యాలో
ఐదవతనము ఉయ్యాలో
కామెంట్‌లు లేవు:
కామెంట్‌ను పోస్ట్ చేయండి