క్షీరాబ్ధి కన్యకకు శ్రీమహాలక్ష్మికి
నీరజాలయమునకు నీరాజనం
జలజాక్షి మోమునకు జక్కపకుచంబులకు
నెలకొన్న కప్పురకు నీరాజనం
అలివేణి తిరుమునకు హస్తకమలంబులకు
నిలువు మాణిక్యముల నీరాజనం ||క్షీరాబ్ధి కన్యకకు||
పగటు శ్రీవేంకటేశు పట్టపురాణియై
నెగడు సతికళలకును నీరాజనం
జగతి అలమేల్మంగ చక్కదనములకెల్ల
నిగుడు నిజశోభనపు నీరాజనం ||క్షీరాబ్ధి కన్యకకు||
——
కామెంట్లు లేవు:
కామెంట్ను పోస్ట్ చేయండి